Sheekh caana oo shaaciyey sirta xiriir ee dhaxal suge Bin Salman iyo Yahuudda kadibna la…

18 total views, 1 views today

(Warqaat.Com)--Dowladda Sacuudiga ayaa xabsiga dhigtay Sheikh Safar Al-Hawali oo ka mid ah culimada ugu caansan dalkaas iyo wiilal uu dhalay kadib markii uu jeediyey hadallo ka dhan ah boqortooyada.

Sheikh Safar Al-Hawali ayaa ka tirsan dhaqdhaqaaqa Islaamiga ah ee Sahwa ama Baraaruga, oo u ololeeya in bulshada Islaamka ku baraarugaan dhibaatada iyo naceybka gaalada.

Xarigiisa ayaa yimid maalmo un kadib markii uu daabacay buug cusub oo uu ugu magac daray Muslims and the Western Civilisation oo macnaheedu yahay Muslimiinta iyo Ilbaxnimada Reer Galbeedka, kaasi oo uu ku weeraray qoyska boqortooyada Sacuudiga iyo Dhaxal-sugaha Abu Dhabi Mohammed bin Zayed.

Sheekha ayaa buugiisa shaaca uga qaaday in dhaxal-sugaha Sacuudiga Maxamed Bin Salmaan uu xiriir la leeyahya Yahuuda, oo gumaad ku haysa shacabka Falastiin, xoogna ku haysata masjidka barakeysan ee Al-Aqsa.

Waxa uu sheegay in Maxamed Bin Salman uu dhabar-jebiyey Islaamka.

Sheikh Safar Al-Hawali ayaa kadib waxaa gurigiisa tagey ciidamo jirdilay, kadibna kaxeystay isaga iyo wiilashiisa, lamana oga illaa hadda halka lagu hayo iyo sida xalakoodu yahay midna.

Maxamed Bin Salman iyo Imaaraatka ayaa dhowaanahan saaxiibo dhow la ahaa Yahuuda iyo maamulka madaxweyne Donald Trump.