Sawirro:-Sarkaal Ka Tirsanaa Al-Shabaab Oo Lagu Soo Bandhigay Gobolka Gedo

?????????????????????

30 total views, 1 views today

12-kii Bishan Novembar ayay ahayd markii uu isku soo dhiibay Cabdinuur Macalin Xasan oo ka mid ahaa Saraakiisha Al shabaab Ciidamada Nabad-Sugida Dowlad Gobaleedka Jubbaland iyo Saraakiisha Guutada 10-aad ee Ciidamada Xoogga Dalka ee Gobalka Gedo.

Saraakiisha Ciidamada Xoogga Dalka iyo Saraakiisha Ciidamada Nabad sugida Dowlad Gobaleedka Jubbaland ee Degmada Baardheere ayaa maanta warbaahinta u soo bandhigay Cabdinuur Macalin Xasan oo dhawaan isku soo dhiibay Dowlada Soomaaliya.

Cabdinuur Macalin Xasan ayaa ka mid ahaa Saraakiishii l-Shabaab u qaabilsanaa Deegaanada Gobalka Gedo balse markii Dambe ka howlgali jiray Deegaanada Koofur galbeed Soomaaliya.

Taliye kuxigeenka Nabad sugida Jubaland ee Baardheere Ahmed Maxamed Cabdulaahi Garab Gooye oo ugu horeyn warbaahinta la hadlay ayaa sheegay in ay wali furan tahay cafiskii Madaxweynaha Jamhuuriyada Mudane Maxamed Cabdulaahi Farmaajo ee uu u fidiyay Dhalinyarada weli ka tirsan Al-Shabaab.

Cabdinuur Macalin Xasan Waxaa uu dhankiisa sheegay in uu ka tanaasulay fikirkii Al-Shaabab islamarkaana uu ka shaqayn doono hormarka Dalkiisa hooyo sidoo kale waxa uu baaq u diray dhalinyarada ka tirsan Al shabaab.