Sawirro:-Axmed Madoobe”Qorshaha Amni Iyo Midka Horumar Waan Gaarsiineynaa Degmooyinka Ku Jira Gacanta Jubbaland”

16 total views, 1 views today

Madaxweynaha Dowlad Goboleedka Jubbaland ee Soomaaliya Mudane Axmed Maxamed Islaam ayaa Xarunta Madaxtooyada marti qaad ugu sameeyay Gudoomiyayaasha Degmooyinka Jubbaland iyo xubno maamul oo maalmahan Kismaayo u joogay Barnaamijka Hormarinta Degmoyinka oo ay fulinayso Wasaarada Arimaha Gudaha.

Wasiirka Arimaha Gudaha Mudane Maxamed Warsame Darwiish ayaa sheegay in Degmooyinka xorta ah ay ka bilaabayaan dhawaan shaqooyin la xiriira hormarinta Bulshada sida Caafimaadka Waxbarashada biyaha iyo jidadaka iyadoo lala kaashanayo maamulada Degmooyinka iyo Bulshada.

Madaxweynaha Dowlad Goboleedka Jubbaland Mudane Axmed Maxamed Islaam ayaa sheegay in qorshaha xormarinta Magaalooyinka uu saldhig u yahay hanan furan oo loo wajahayo adeegyada Bulshada isla markaana dhinacyo badan laga eegayo.

Waxaa uu hoosta ka xariiqay in kaabayaasha dhaqaalaha la kobcinayo iyadoo la hirgalinayo qorshaha kobcinta dhaqaalaha oo Wasaarada Maaliyadu ay garwadeen ka tahay.

Madaxweynahu wuxuu xusay in amaanka deeganada xorta ah oo wanaagsan lagaga faa”iidaysan doono in la hormariyo Bulshada.

Isagoo ka hadlayay hananka hirgalinta golayaasha deegaanka ayuu Madaxweynahu sheegay in ay meel wanaagsan marayso dardar galinta hawshan oo Wasaarada Arimaha gudahu ay gacanta ku hayso.

Deegaanada Buurdhuubo iyo Dhoobley ayuu Madaxweynahu xusay in golayaasha deegaanka ay xubno ku yeelan doonan wixii farsamo ahaan dhimana la dhamaystirayo.

—DHAMMAAD—

Be the first to comment

Leave a Reply

Your email address will not be published.