Madaxweyne Farmaajo Oo Addis-Ababa Kula Kulmay Antonio Gutters

23 total views, 1 views today

Madaxweynaah Jamhuuriyadda Federaalka Soomaaliya Mudane Maxamed C/llaahi Farmaajo oo kusugan magaalada Addis-Ababa ee Dalka Itoobiya ayaa la kulmay Xoghayaha Guud ee Jimciyadda Qurumaha ka dhexeysa Antonio gutters,iyagoo kawada hadlay arrimaha Soomaaliya.

Antonio Gutters Xoghayaha Guud ee Jimciyadda Qurumaha ka dhexeysa ayaa amaanay guulaha Dowladda Soomaaliya ay ka gaartay isbedelada dhinacyada amniga iyo maamulka,isagoo rajo wanaagsan ka muujiyay in la gaaro hiigsiga geedi socodka 2020 ee doorashada ka dhicii doonta Dalka.

Wuxuu sidoo kale balanqaaday in Qaramada Midoobey ay sii kordhin doonto taageeradeeda Soomaaliya,si dowladda Soomaaliya ay u hirgeliso adeegyada ay uga baahanyihiin bulshada Soomaaliyeed.

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo ayaa uga mahadceliyay kuna amaanay Jimciyadda Qurumaha ka dhexeysa taageerada ay siiso dowladda Soomaaliya.

Madaxweyne Farmaajo ayaa sidoo kale la filayaa in uu la kulmo madax kaladuwan oo ku sugan madasha shirka magaalada Addis-Ababab ee caasimadda Dalka Itoobiya,halkaasi oo uu ka socoda shir madaxeedka hoggaamiyaasha Midowga Afrika.

Magaalada Jowhar ee Xarunta Maamulka Hir-Shabeelle waxaa goordhow ka bilaabatay doorashada Xubin ka banana Golaha Shacabka Soomaaliya.

Howlka Farjano ee Magaalada Jowhar ayay doorashada ka bilaabatay,wxana dhammaan xadir ah musharixiinta,iyada oo ay ammaanka ilaalinayaan Ciidamo ka tirsan kuwa AMISOM.

Ilaa 6 Musharax ayaa ku tartamaya doorashada oo ay ugu cadcadyihiin taliyihii hore ee ciidanka Nabad-Sugida Soomaaliya Cabdullaahi Maxamed Cli Sanbaloolshe iyo Madaxweynihii hore ee Hir-Shabeelle Cali Cabdullahi Cosoble.

Gudoomiyaha Gudiga doorashoyinka Madaxa Banaan Xaliimo Ismaaciil( Xaliimo Yareey) ayaa Goobta ka akhrisay shuruucda doorashada iyada oo rajo wanasgan ka muujisay in ay doorashadu ku dhacdo si cadaalad ah.

Musharixiint aya haatan jeedinaya hadalo kooban oo ku saabsan taarikhdooda iyo waxyaabihii ay qaban doonaan.