FARIIN JACAYL: Mararka qaar waxaan dayacaa inaan kuu sheego sida aad xageyga muhiim uga tahay.

79 total views, 1 views today

Farxadda qaarkeed waxaa lagu cabiraa aamusnaan, halka dhoolacadeyntuna ay siddo micno ka badan ereyada. Waxaa ley weydiiyey inaan jewi farxad ku jiro markaad nolosheyda ka mid tahay,waxaana ku jawaabaa dhoolacadeyn.

* Haddii la i yiraahdo soo tiri sababaha aan adiga kugu jeclahay, waxa ay igu qaadaneysaa inta nolosha ka dhiman inaan soo xisaabiyo, waayo jaceylkaaga wuxuu iiga dhigan yahay duni aniga iyo adiga inoo qaas ah.

*Nolosha wax macno ah kuma fadhido hadii aanan kaa helin jaceyl daacad ah oo farxad ku dhisan, waana waxa keliya ee aan kaaga baahanahay inaad wahsi la’aan iigu deeqdo.

*Marka waxwalbo u muuqdaan in ay lumeen iyo cidladu deris kula noqoto, ma garan kartid wax aad sameyso, fiiri gudaha qalbigeyga waxaad ka dhex arkeysaa inuu kaaga banaan yahay boos qaas kuu ah adiga.

*Marwalba oo aan ku arkaba aniga xageyga waxwalbo wa ay ka istaagaan, waxaana ku indho doogtaa quruxdaada, naftu kama dheragto in ay kugu ildoogsato qaabdhiskeeda hagaagsan ee uu alle kuu sameeyey.

*Mararka qaar waxaan dayacaa inaan kuu sheego sida aad xageyga muhiim uga tahay, sida joogidaada ay iigu sameyso farqi weyn, dadka noocaaga ah waa ay ku yar yihiin dunida, waxaana rajeynaa inaad garwaaqsatay macnaha aad iigu fadhido.

*Waxaad ku soo gashay nafteyda si kedis ah, waxaadna isiisay labo arimood oo kala ah; Dulqaad qalbiga ka soo go’ay iyo nolosha oo ii iftiintay.

*Yeysan ereyadaan keliya taabanin indhahaaga, haku dhex safraan naftaada, hana ku dhex nastaano qalbigaaga sida aad keyga u dhex degtay. Ogow wadnuhu wuxuu qabaa dhaawacyo caashaq, cidladuna waxey igu sii kordhisaa baahida caashaq, hadalkaaguna waxaan uga helaa sida neecowda macaan nooluhu ugu baahan yahay.