DHAGEYSO: Kenya Oo Soo Bandhigtay Qodob Lagu Xalin Karo Muranka Badda

517 total views, 1 views today

Hoggaamiyaha aqlabiyada Barlamaanka Kenya Xildhibaan Aadan Barre Ducaale ayaa ka hadlay dacwada dhinaca badda ah ee u dhaxeeysa Dowladaha Soomaaliya iyo Kenya iyo waxa xal u noqon kara murankaas.

Aadan Barre Ducaale ayaa sheegay in dowladaha Soomaaliya iyo Kenya ay yihiin dalal deris ah,isla markaana ay ka dhaxeyso Saaxiibtinimo Siyaasadeed oo dhinac walba.

Hayeeshee Xildhibaan Aadan Barre Ducaale ayaa qaba in hab diblumaasiyadeed lagu xaliyo muranka Badda ee u dhaxeeya Soomaaliya iyo Kenya kaas oo gaaray in Soomaaliya ay dacwad u gudbiso Maxkamada Cadaalada Aduunka ee ICJ.

Dowladda Soomaaliya ayuu sheegay in markii hore ay dacwada bilaawday balse Kenya ay mar walba diyaar u tahay in hab Siyaasadeed muran kaas xal looga gaaro.

Kenya ayaa waxaa Soomaaliya ka jooga Ciidamo farabadan oo ku howlgalla Magaca AMISOM,waxaana dacwadda dhinaca Badda la xiriirta ay soo bilaabatay xilligii dowladii uu hoggaaminayay Madaxweyne Xasan Sheekh Maxamuud.

Hoos Ka Dhageyso Codka Xildhibaan Aadan Barre Ducaale.