AKHRISO: Yaa loo magacaabayaa Taliyeyaasha cusub ee Booliska & Nabadsugidda Soomaaliya [NISA]..?

16 total views, 1 views today

Golaha Wasiirada xukuumadda Soomaaliya ayaa goor dhoweyd shir uga bilowday magaalada Muqdisho.

Shirkan oo aan caadi ahayn ayaa looga hadlayaa arrimo muhiim ah oo ay ka mid yihiin ansixinta taliyeyaasha ciidamada Booliska iyo Nabadsugidda Soomaaliya oo uu soo magacaabay Madaxweyne Maxamed C/llaahi Farmaajo, kadib markii ay bannaanaadeen muddo ka badan 3 bilood iyo Bar.

Taliyaha NISA ayaa la sheegay in loo magacaabayo Cabdi Jiinow Calasow oo hore us oo noqday maareeyaha dekadda Muqdisho iyo Guddoomiyaha Gobolka Sh/Dhex, iyadoo ay isku dhaceen dowladii KMG ahayd ee Shariif Sheekh Axmed markii ay ka qaaday xilka maareeyaha Dekadda Muqdisho.

Taliyaha Booliska ayaa la sheegay in loo magacaabayo Jen. Axmed Taajir oo ka tirsanaa saraakiisha ciidamada Booliska oo taliye ku xigeen soo noqday  xilligii dowladii C/llaahi Yuusuf.

Marka la eego xaaladdaha ku waregtay magacaabidda labadan xil, waxaa laga yaabaa isbedel yimaado daqiiqadaha ugu danbeeya iyadoo hore dhowr jeer dib loo dhigay magacaabiddan.