Mustafa Cagjar oo sheegay inay soo celinayaan dhulal sharci daro lagu heysto

140 total views, 1 views today

(Warqaat.com)—Madaxweynaha Dowlad Degaanka Soomaalida Mustafa Maxamed Cumar Cagjar Ayaa Bartiisa Facebooka Ku Qoray In Xukuumadiisa Ay U Qorsheysan Tahay Inay Soo Celiso Dhul Ay Sheegtay In Si Sharci Daro Ah Loo Qaatay.

Wuxuu Sheegay Mustafa Cagjar In Ilaa Hadda Dhul Iyo Hanta Badan Oo Ay Boobeen Dad Aan Soomaali Aheyn Oo U Badan Saraakiil Ciidan Ay Xogtooda Oo Dhameystiran Gacanta Ku Hayaan, Si Dhaqsi Ahna Ay Talaabo Uga Qaadi Doonaan Islamarkaana Ula Wareegi Doonaan Hantidaasi Shacabka Laga Boobay

Dadka Arrimaha Siyaasadda Falanqeeya Ayaa Waxa Ay Sheegeen Dhulalka Ay Qaateen Saraakiisha Ciidanka Inay Ahaayeen Kuwa Iyaga Lagu Naas Nuujinayay, Maadaama Iyaga Ay Udub Dhexaad U Ahaayeen Dowladdii Hore.

Shacabka Dowlad Degaanka Soomaalida Ayaa Waxa Ay Sheegeen Inay Soo Dhaweynayaan Talaabada Uu Qaaday Madaxweyne Mustafa Cagjar, Waxayna Tilmaameen Inay Dib U Soo Laabaneyso Cadaaladda Oo Ay Sheegeen Inay Horey U Luntay.

Xukuumadda Cusub Ee Soomaalida Ayaa Marka Ay Xilka Qabatay Isbedel Ku Sameysay Waxyaabo Badan Oo Xukuumadii Ka Horeysay La Timid, Loona Arkayay Inay Aad Ugu Muujineysay Itoobiyaanimada Dadka Soomaalida Ee Gobolkaaasi Degan.